اینٹی کرپشن بہاولپور کی بڑی کارروائی!

اینٹی کرپشن بہاولپور نے مجسٹریٹ کے ہمراہ ایک کامیاب کارروائی کرتے ہوئے تھانہ سمہ سٹہ کے اے ایس آئی اجمل کھنڈ کو مبینہ رشوت لیتے ہوئے رنگے ہاتھوں گرفتار کر لیا۔ کارروائی کے دوران نشان زدہ نوٹ بھی برآمد ہوئے، جس کے بعد گرفتار اے ایس آئی کے خلاف مقدمہ درج کر کے مزید تفتیش شروع کر دی گئی ہے۔ اینٹی کرپشن حکام کا کہنا ہے کہ کرپٹ عناصر کے خلاف کریک ڈاؤن جاری ہے اور ایسے اقدامات مستقبل میں بھی سختی سے کیے جائیں گے۔