شاد باغ میں افسوسناک واقعہ، گھر میں اکیلی خاتون سے مبینہ زیادتی، ملزم گرفتار

لاہور: شاد باغ میں پولیس نے گھر میں موجود اکیلی خاتون سے مبینہ زیادتی کے الزام میں اس کے قریبی رشتے دار کو گرفتار کرلیا۔

پولیس کے مطابق خاوند کی غیر موجودگی میں ملزم اشفاق نے بچوں کو بہانے سے گھر سے باہر بھیج دیا اور گھر میں اکیلی خاتون کو مبینہ طور پر زیادتی کا نشانہ بنایا۔

واقعے کی اطلاع ملنے پر شاد باغ پولیس نے فوری کارروائی کرتے ہوئے ملزم کو گرفتار کرلیا۔ پولیس نے ملزم کے خلاف مقدمہ درج کرکے واقعے کی تحقیقات شروع کردی ہیں۔

ایس پی سٹی ارشد حیات کانجو نے ملزم کی بروقت گرفتاری پر ایس ایچ او شاد باغ محمد ذکاء اور پولیس ٹیم کو شاباش دی۔

ان کا کہنا تھا کہ خواتین اور بچوں پر تشدد یا جنسی استحصال میں ملوث عناصر کے خلاف زیرو ٹالرینس پالیسی پر عمل کیا جا رہا ہے۔