ویڈیو: ایرانی ایئرلائن کے طیارے کا دورانِ پرواز ٹائر پھٹ گیا، مسافروں میں خوف و ہراس

ایرانی ائیرلائنز کے طیارے کا دوران پرواز ٹائر پھٹ گیا جس سے طیارے میں شدید جھٹکے لگے اور مسافر خوف میں مبتلا ہوگئے۔

غیر ملکی میڈیا کے مطابق یہ واقعہ مشہد سے کرمانشاہ جانے والی ایرانی ائیرلائن کی پرواز  بوئنگ 737 کے ساتھ پیش آیا جہاں طیارے کو ٹیک آف کے فوراً بعد ہی واپس لینڈنگ کرنا پڑی۔

میڈیا رپورٹس میں بتایا گیا ہے کہ پرواز کے دوران مرکزی لینڈنگ گیئر کا ایک ٹائر پھٹ کر الگ ہوگیا جس سے طیارے میں شدید جھٹکے محسوس کیے گئے جب کہ انجن میں خرابی کے مسائل بھی سامنے آئے جس سے مسافروں میں خوف و ہراس پھیل گیا۔