بہاولپور: اولاد کے ناروا رویے سے دلبرداشتہ بزرگ جوڑے نے نہر میں چھلانگ لگا دی

بہاولپور میں اولاد کے مبینہ ناروا رویے سے تنگ بوڑھے والدین نے نہر میں چھلانگ لگادی۔

ریسکیو ذرائع کے مطابق واقعے کی اطلاع ملتے ہی اہلکاروں نے ریسکیو کارروائی شروع کی اور خاتون کو بچا لیا جب کہ ڈوبنے والے 75 سالہ بزرگ کی لاش ایک دن بعد ششماہی نہر سے ملی۔

 ریسکیو ذرائع کا کہنا ہےکہ بزرگ میاں بیوی نے اولاد کی جانب سے جائیداد کی تقسیم کے لڑائی جھگڑوں سے تنگ آکر نہر میں چھلانگ لگائی تھی۔ 

دوسری جانب بیٹوں نے پولیس کو بیان ریکارڈ کروایا جس میں ان کا کہنا تھا کہ والدین کا ذہنی توازن ٹھیک نہیں تھا۔