کراچی:
شہر قائد میں سمن آباد کے علاقے بلاک 18 ندی کنارے عقب حسنی ٹیکنیکل کے قریب پولیس اور ڈاکوؤں کے درمیان مبینہ مقابلے میں ایک ملزم زخمی حالت میں گرفتار جبکہ اس کے 2 ساتھی فرار ہوگئے۔
ترجمان ضلع سینٹرل پولیس کے مطابق پولیس نے بروقت کارروائی کرتے ہوئے مقابلے کے بعد ملزم ارشد ولد اسلم کو زخمی حالت میں گرفتار کیا۔
گرفتار ملزم کے قبضے سے 30 بور پستول، 3 زندہ راؤنڈ، 20 ہزار 500 روپے نقدی اور ایک موٹر سائیکل برآمد ہوئی ہے۔
پولیس کے مطابق فرار ہونے والے ملزمان کی شناخت کا عمل جاری ہے جبکہ گرفتار ملزم کا سابقہ کریمنل ریکارڈ بھی حاصل کیا جا رہا ہے۔پولیس نے فرار ملزمان کی گرفتاری کے لیے مزید کارروائیاں شروع کردی ہیں۔
By
By
