کراچی، 10 سے زائد مسلح ڈاکوؤں کے ٹولے کی اسٹور میں واردات

کراچی: 

شہر قائد میں ڈسٹرکٹ ملیر کے علاقے سکھن بھینس کالونی روڈ نمبر 5 پر ڈاکوؤں کا ٹولہ دیدا دلیری کے ساتھ اسٹور میں گھس کر لوٹ مار کی وادات میں درجنوں افراد کو لوٹ کر فرار ہوگیا۔

اس حوالے سے ڈیری اینڈ کیٹل فارمرز ایسوسی ایشن کے صدر شاکر عمر گجر نے 30 اگست اتوار کی شام مصطفیٰ جنرل اینڈ میڈیکل اسٹور پر ڈکیتی کی بڑی واردات پر شدید تشویش کا اظہار کیا ہے۔

انھوں ںے بتایا کہ 10 سے زائد مسلح ڈاکوؤں نے دکان اور وہاں موجود تقریباً 25 افراد کو لوٹا اور واردات کے بعد فرار ہوگئے۔

واردات کی سی سی ٹی وی فوٹیج بھی سامنے آئی ہے جس میں ڈاکو انتہائی دلیری کے ساتھ لوٹ مار کرتے ہوئے دکھائی دیئے ہیں جبکہ کچھ روز قبل سکھن تھانے میں 100 کیمروں پر مشتمل کمانڈ اینڈ کنٹرول روم کا بھی افتتاح کیا گیا تھا۔

تاہم ڈسٹرکٹ ملیر میں لاقانونیت کے باعث جرائم پیشہ عناصر آزادنہ وارداتیں کر رہے ہیں جس سے بخونی اندازہ لگایا جا سکتا ہے کہ انھیں نہ تو پولیس کا کوئی ڈر ہے اور نہ ہی سی سی ٹی وی کیمروں کا خوف ہے ۔