طلال چوہدری: ہم نہیں چاہتے کہ پی ٹی آئی کو اس بار اسلام آباد آنے پر سختی سے سمجھانا پڑے

وزیر مملکت برائے داخلہ طلال چوہدری نے کہا ہے کہ ہم نہیں چاہتے پی ٹی آئی کو اس دفعہ اسلام آباد آنے پر کان پکڑ کر سمجھائیں۔

جیو نیوز کے پروگرام آج شاہ زیب خانزادہ کے ساتھ میں بات چیت کرتے ہوئے طلال چوہدری نے کہا کہ وزیراعظم ہر 3 ماہ بعد انسداد دہشتگردی سے متعلق اجلاس کرتے ہیں، وزیراعلیٰ خیبرپختونخوا سہیل آفریدی اس میں شرکت نہیں کرتے لیکن 2 دن بعد پیسے مانگنے اور این ایف سی کا حصہ بڑھانے کےلیے آجاتے ہیں۔ 
انہوں نے کہا کہ کے پی حکومت کو این ایف سی کے تحت جو 700 ارب روپے دیے جا چکے ہیں، پی ٹی آئی حکومت پہلے ان کا جواب دے۔

طلال چوہدری نے پی ٹی آئی کے اسلام آباد مارچ کے حوالے سے بات کرتے ہوئے کہا کہ ہم نہیں چاہتے پی ٹی آئی کو اس دفعہ اسلام آباد آنے پر کان پکڑ کر سمجھائیں،27 ستمبر کی تاریخ آئے گی تو پتا چل جائےگا کہ ریاست اپنی رِٹ کس طرح قائم کرتی ہے۔