’پی ٹی آئی کی خواہش ہے کہ خیبر پختونخوا میں گورنر راج نافذ ہوجائے‘

اسلام آباد (27 ستمبر 2026): رکن قومی اسمبلی شیر افضل مروت نے دعویٰ کیا ہے کہ پی ٹی آئی خود خیبر پختونخوا میں گورنر راج لگوانا چاہتی ہے۔

اے آر وائی نیوز کے پروگرام ’’اعتراض ہے‘‘ میں گفتگو کرتے ہوئے پی ٹی آئی کے سابق رہنما اور رکن قومی اسمبلی شیر افضل مروت نے دعویٰ کیا کہ پی ٹی آئی کی خواہش ہے کہ خیبر پختونخوا میں گورنر راج لگ جائے تاکہ سیاسی شہید بن جائیں۔

انہوں نے کہا کہ پی ٹی آئی رہنماؤں کے بیانات دیکھ لیں، وہ تو گورنر راج لگانے کے لیے منتیں کر رہے ہیں۔

شیر افضل مروت نے مزید کہا کہ وزیراعلیٰ کے پی سہیل آفریدی نے مارچ موخر کر کے کہا ہمارے ساتھ بات کر لیں۔ ان کا یہ بیان پی ٹی آئی کی کمزور پوزیشن کا اظہار ہے۔

رکن قومی اسمبلی شیر افضل مروت نے یہ بھی دعویٰ کیا کہ پی ٹی آئی کا 4 اکتوبر کو بھی مارچ نہیں ہوگا۔