امارات سے اسرائیل جانے والی پرواز کے زخمی پائلٹ کا پہلا بیان سامنے آگیا، تصویر بھی جاری

متحدہ عرب امارات سے اسرائیل جانے والی پرواز میں پیش آنے والے حالیہ واقعے کے بعد  پرواز کے زخمی پائلٹ سمت مچھ چہار کا پہلا بیان سامنے آگیا۔

زخمی پائلٹ  نے اپنے بیان میں کہا کہ ساتھیوں، مسافروں اور عملے سمیت سب کا شکرگزارہوں جو مشکل وقت میں ساتھ کھڑے رہے۔

انہوں کہا کہ بطورپائلٹ میں نےاپنی ڈیوٹی انجام دی اور شکرگزار ہوں کہ طیارہ بحفاظت لینڈ کرگیا، مسافرمحفوظ رہے۔
خبر ایجنسی کے مطابق اسرائیلی وزارت خارجہ نے بھی زخمی بھارتی پائلٹ سمت مچھ چہارکی تصویر شیئر کردی۔

اسرائیلی وزارت خارجہ کے مطابق شدید زخمی ہونے کے باوجود سمت مچھر نے کاک پٹ کا دروازہ کھول دیا،کاک پٹ کا دروازہ کُھلنے پر مسافروں اور عملے نے معاون پائلٹ کو قابو کرلیا۔

اسرائیلی حکام کے مطابق پرواز میں سوار دیگر 2 پائلٹس نے طیارے کو سعودی عرب کے تبوک ائیرپورٹ پر اتارا۔