جنگ بندی کی تجویز مسترد ہونے کے بعد تیل کی قیمتوں میں پھر اضافہ

نیویارک امریکی صدر ڈونلڈ ٹرمپ کی جانب سے ایران کی جنگ بندی اور آبنائے ہرمز کو دوبارہ کھولنے کی تجویز مسترد کیے جانے کے بعد عالمی منڈی میں تیل کی قیمتوں میں دوبارہ اضافہ ہوگیا۔

غیر ملکی میڈیا رپورٹس کے مطابق پیر کے روز عالمی مارکیٹ میں برینٹ خام تیل کی قیمت 1.82 ڈالر، یعنی 1.74 فیصد اضافے کے بعد 106.14 ڈالر فی بیرل پر پہنچ گئی۔

اسی طرح امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل کی قیمت میں بھی 1.14 ڈالر، یعنی 1.23 فیصد اضافہ ہوا، جس کے بعد یہ 93.55 ڈالر فی بیرل ہوگئی۔

واضح رہے کہ امریکی اخبار وال اسٹریٹ جرنل نے دعویٰ کیا ہے کہ صدر ڈونلڈ ٹرمپ نے ایران کی جانب سے پیش کی گئی 7 روزہ جنگ بندی کی تجویز مسترد کردی ہے۔