عاصم افتخار احمد کو نیا سیکرٹری خارجہ مقرر کیے جانے کا امکان

اسلام آباد: نئے سیکرٹری خارجہ کی تقرری کے لیے اعلیٰ سطحی مشاورت مکمل ہوگئی ہے اور عاصم افتخار احمد کے نام پر اتفاق رائے ہوگیا ہے۔ 

وزیراعظم شہباز شریف اقوام متحدہ کی جنرل اسمبلی کے اجلاس کے لیے نیویارک روانگی سے قبل نئے سیکرٹری خارجہ کی تقرری کا اعلان کریں گے۔

باخبر ذرائع کے مطابق موجودہ سیکرٹری خارجہ آمنہ بلوچ رواں ماہ کے تیسرے ہفتے میں مدتِ ملازمت مکمل کر رہی ہیں، جس کے بعد عاصم افتخار احمد دفتر خارجہ کی ذمہ داریاں سنبھالیں گے۔