کراچی:
شہر قائد کے علاقے گلبرگ میں بنگلے کے اندر فائرنگ کے پراسرار واقعے میں گھریلو ملازم جاں بحق ہوگیا ، پولیس ابتدائی طور پر واقعہ خود کو گولی مار کر خوکشی کا بتا رہی ہے ۔
تفصیلات کے مطابق گلبرگ کے علاقے فیڈرل بی ایریا بلاک 13 میں قائم بنگلے میں فائرنگ سے نوجوان جاں بحق ہوگیا۔
جس کی اطلاع ملتے ہی پولیس نے موقع پر پہنچ کر کرائم سین یونٹ کو طلب کر کے شواہد حاصل کرنے کے بعد لاش ضابطے کی کارروائی کے لیے عباسی شہید اسپتال پہنچائی۔
ایس ایچ او گلبرگ فرزاد شیخ نے بتایا کہ متوفی کی شناخت 20 سالہ شیراز کے نام سے کی گئی جبکہ ابتدائی تحقیقات میں معلوم ہوا ہے کہ متوفی نوجوان بنگلے پر گھریلو ملازم ہے جس کے ہمراہ اس کا کزن علی رضا بھی ملازمت کرتا تھا۔
اہلخانہ کسی شادی کی تقریب میں گئے ہوئے تھے جبکہ دونوں ملازم گھر پر موجود تھے اس دوران شیراز گھر میں رکھا ہوا لائسنس یافتہ پستول اٹھا لیا اور اس دوران چلنے والی گولی اسے سر پر گولی لگی جس کے باعث وہ شدید زخمی ہوگیا جسے تشویشناک حالت میں عباسی شہید اسپتال لیجایا گیا جہاں وہ دم توڑ گیا۔
انھوں نے بتایا کہ ابتدائی تفتیش میں واقعہ خود کو گولی مار کر خودکشی کا معلوم ہوتا ہے اس حوالے سے متوفی کے کزن سے بھی مزید معلومات حاصل کی جا رہی ہے۔
By
By
