13 سالہ لڑکی سے زیادتی کی کوشش کرنے والے ملزم کے ساتھ کیا ہوا؟

لاہور(26 ستمبر 2026): ٹبی سٹی میں پولیس نے فوری کارروائی کرتے ہوئے تیرہ سالہ لڑکی کو زیادتی کا نشانہ بنانے کی کوشش کرنے والے ملزم کو گرفتار کر لیا ہے۔

پولیس حکام کے مطابق یہ لرزہ خیز واقعہ والدین کی غیر موجودگی میں پیش آیا، جہاں ملزم موقع پا کر گھر کے اندر گھس گیا اور لڑکی کو اکیلا دیکھ کر زیادتی کی کوشش کی۔

متاثرہ لڑکی کی بروقت چیخ پکار اور شور مچانے پر محلے کے لوگ اور اردگرد کے افراد متنبہ ہو گئے، جس پر ملزم آصف نے موقع سے فرار ہونے کی کوشش کی، تاہم لڑکی اور اہل علاقہ کی مستعدی سے اسے دبوچ لیا گیا۔

اطلاع ملنے پر پولیس فوری طور پر موقع پر پہنچی اور ملزم کو حراست میں لے لیا۔ پولیس حکام کا کہنا ہے کہ متاثرہ لڑکی کے اہل خانہ کی مدد سے ملزم کے خلاف فوری طور پر مقدمہ درج کر لیا گیا ہے اور مزید قانونی کارروائی و تحقیقات کا آغاز کر دیا گیا ہے۔