حوثیوں کے حملوں کا جواب، سعودی جنگی طیاروں کی یمن کے مختلف علاقوں پر بمباری

صنعا: سعودی جنگی طیاروں کی جانب سے یمن کے مختلف علاقوں پر فضائی حملے کیے جانے کی اطلاعات ہیں۔

یمنی حوثیوں سے منسلک ٹی وی کے مطابق سعودی جنگی طیاروں نے یمن کے صوبوں مارب، الجوف اور تعز میں متعدد فضائی حملے کیے ہیں۔

رپورٹ کے مطابق الجوف کے ضلع خب والشعف میں 5، مارب کے صرواح میں 10 جبکہ تعز کے علاقے البرح میں 5 فضائی حملے کیے گئے، صعدہ کے سرحدی ضلع غمر میں بھی سعودی فورسز نے بمباری کی ہے۔

اس  حوالے سے عرب میڈیا کا کہنا ہے کہ سعودی قیادت میں ہونے والے قائم اتحاد نے تاحال حوثیوں پر حملوں کی تصدیق نہیں کی۔