ایشین گیمز: ارشد ندیم میڈل کی دوڑ سے باہر، تینوں تھروز فاؤل قرار

ناگویا ایشین گیمز کے ایتھلیٹکس مقابلوں میں پاکستان کے ارشد ندیم جیولین تھرو ایونٹ میں میڈل کی دوڑ سے باہر ہوگئے۔

ناگویا میں جاری ایشین گیمز کے جیولین تھرو مقابلے میں ارشد ندیم اور یاسر علی جبکہ لانگ جمپ میں انصر عباس پاکستان کی نمائندگی کر رہے ہیں۔

جیولین تھرو میں ارشد ندیم نے پہلی کوشش میں نیزہ 76.69 میٹر دور پھینکا، جبکہ ان کی دوسری کوشش ضائع ہوگئی۔ تیسری تھرو میں انہوں نے شاندار کم بیک کرتے ہوئے 80.29 میٹر کی تھرو کی اور چوتھی پوزیشن حاصل کرلی۔

تاہم ارشد ندیم کی چوتھی، پانچویں اور چھٹی کوششیں بھی فاؤل قرار پائیں، جس کے باعث وہ ایونٹ میں میڈل کی دوڑ سے باہر ہوگئے۔