نیویارک: عالمی منڈی میں خام تیل کی قیمتوں میں ایک بار پھر اضافہ ہوگیا، جس کے بعد برینٹ خام تیل کی قیمت 103 ڈالر فی بیرل سے تجاوز کر گئی۔
رپورٹس کے مطابق برینٹ خام تیل کی قیمت میں 1 ڈالر 14 سینٹ، یعنی 1.11 فیصد اضافہ ہوا، جس کے بعد قیمت 103 ڈالر 73 سینٹ فی بیرل ہوگئی۔
امریکی خام تیل ڈبلیو ٹی آئی کی قیمت بھی 34 سینٹ، یعنی 0.38 فیصد اضافے کے بعد 89 ڈالر 72 سینٹ فی بیرل تک پہنچ گئی۔
عالمی منڈی میں تیل کی قیمتوں میں اضافے کی بڑی وجہ امریکی صدر ڈونلڈ ٹرمپ کی جانب سے ایران پر عائد پابندیوں میں نرمی کی آمادگی سے متعلق رپورٹس کی تردید کو قرار دیا جا رہا ہے۔
رپورٹس کے مطابق برینٹ خام تیل کی قیمت رواں ماہ تقریباً 14 فیصد اضافے کی جانب گامزن ہے، جو جولائی کے بعد کسی ایک ماہ کے دوران سب سے بڑا اضافہ ہوگا، جبکہ ڈبلیو ٹی آئی کی قیمت میں تقریباً 4 فیصد اضافے کا امکان ہے۔
By
By
