بھارت: دلی کے پارک میں لڑکی سے اجتماعی زیادتی کے بعد احتجاجی مظاہروں کا سلسلہ شروع

بھارتی دارالحکومت نئی دلی کے پارک میں 17 سالہ لڑکی سے اجتماعی زیادتی کے واقعے کے بعد احتجاجی مظاہروں کا سلسلہ شروع ہوگیا۔

بھارتی میڈیا رپورٹس کے مطابق آئے روز لڑکیوں کے ساتھ جنسی زیادتی کے واقعات کے پیش نظر احتجاج میں حصہ لینے کے لیے بڑی تعداد میں طلبہ سڑکوں پر نکل آئے۔

میڈیا رپورٹس میں بتایا گیا ہے کہ پولیس نے کئی مقامات پر طلبہ کو گرفتار کیا اور تشدد کا نشانہ بھی بنایا۔

نئی دلی میں خواتین سے زیادتی کے واقعات بڑھنے پر مبصرین ایک بار پھر دلی کو ‘ریپ کیپیٹل آف انڈیا’ کہنے لگے ہیں۔