کراچی: بینظیر بھٹو شہید یونیورسٹی لیاری کے وائس چانسلر پروفیسر ڈاکٹر سید حسین مہدی نے استعفیٰ دے دیا۔
وائس چانسلر سید حسین مہدی نے گزشتہ روز اپنا استعفیٰ وزیر اعلیٰ سندھ کو بھجوا دیا ہے، جس میں انھوں نے مؤقف اپنایا ہے کہ ملازمین کے ایک گروپ کی جانب سے ان پر مسلسل دباؤ ڈالا جا رہا تھا۔
استعفے میں وی سی نے کہا کہ سیاسی محرکات رکھنے والے ملازمین کا احتجاج اور مطالبات انتظامیہ پر دباؤ کا باعث بنے۔ انھوں نے کہا ملازمین کے دباؤ کے ذریعے رجسٹرار کے استعفے کا مطالبہ کیا جا رہا تھا، انتظامی فیصلے ملازمین کے دباؤ کی بہ جائے قانون کے مطابق ہونے چاہئیں۔
وائس چانسلر کا کہنا تھا کہ ملازمین کے دباؤ سے فیصلے ہوئے تو یونیورسٹی میں انتظامی معاملات کی نئی مثال قائم ہو جائے گی، مسلسل دباؤ اور رکاوٹوں کے باعث یونیورسٹی چلانا مشکل ہو گیا ہے۔
انھوں نے کہا موجودہ حالات میں یونیورسٹی کے مفادات کا مؤثر تحفظ مشکل ہے۔
By
By
