دبئی متحدہ عرب امارات نے دبئی سے اسرائیل جانے والی اماراتی پرواز کی سعودی عرب میں ہنگامی لینڈنگ کے واقعے کو دہشت گردی قرار دے دیا۔
متحدہ عرب امارات کے پراسیکیوٹر جنرل کے مطابق اسرائیل جانے والی پرواز کے معاون پائلٹ نے کاک پٹ میں پائلٹ پر کلہاڑی سے حملہ کیا اور اس کے بعد طیارے کا کنٹرول سنبھالنے کی کوشش کی۔
پراسیکیوٹر جنرل کے مطابق معاون پائلٹ نے مبینہ طور پر اس کارروائی کی پہلے سے منصوبہ بندی کر رکھی تھی۔ واقعے کے محرکات، حالات اور ممکنہ روابط کا تعین کرنے کے لیے تحقیقات جاری ہیں، جبکہ واقعے سے متعلق ٹھوس اور ڈیجیٹل شواہد کا بھی جائزہ لیا جا رہا ہے۔
ایئرلائن کے ترجمان کا کہنا ہے کہ واقعے کی تحقیقات جاری ہیں، اس لیے فی الحال اس معاملے پر مزید تبصرہ نہیں کیا جا سکتا۔
غیر ملکی خبر ایجنسی کے مطابق فلائی دبئی کے طیارے میں پیش آنے والے واقعے میں مبینہ طور پر ملوث معاون پائلٹ عمانی شہری ہمام الحمامی ہیں۔
By
By
