وزیراعظم کا اپوزیشن لیڈر محمود خان اچکزئی کو ایک اور خط، مذاکرات کی دوبارہ دعوت

وزیراعظم  شہباز شریف نے اپوزیشن لیڈر محمود خان اچکزئی کو ایک اور خط لکھتے ہوئے مذاکرات کی دعوت دے دی۔

ذرائع کے مطابق  وزیراعظم اور اپوزیشن لیڈر کی ملاقات اور الیکشن کمیشن میں تعیناتیوں سے متعلق خط لکھا گیا۔

ذرائع کا کہنا ہے کہ خط میں وزیراعظم کی جانب سے  اپوزیشن لیڈر محمود خان اچکزئی کو مذاکرات کی دعوت بھی دی گئی۔

اپوزیشن ترجمان اخوانزادہ حسین یوسف زئی نے وزیر اعظم کے خط موصول ہونے کی تصدیق بھی کر دی۔

اس سے قبل گزشتہ دنوں وزیراعظم شہبازشریف اور اپوزیشن لیڈر محمود خان اچکزئی کے درمیان چیف الیکشن کمشنر، الیکشن کمیشن کے نئے ارکان کی تقرری کے حوالے سے رابطہ ہوا تھا۔

ذرائع کے مطابق وزیر اعظم نے اپوزیشن لیڈرمحمود خان اچکزئی کے خط کا جواب بھجوایا تھا۔