ریاض: سعودی ولی عہد شہزادہ محمد بن سلمان نے علاقائی کشیدگی کم کرنے اور تنازعات کے سفارتی حل کے لیے کوششیں جاری رکھنے کے عزم کا اظہار کیا ہے۔
اپنے بیان میں محمد بن سلمان نے کہا کہ سعودی عرب کی سلامتی کو درپیش کسی بھی خطرے یا حملے کا فیصلہ کن جواب دیا جائے گا، جبکہ خلیج کی سلامتی اور استحکام کو ناقابلِ تقسیم قرار دیا۔
سعودی ولی عہد نے خلیجی شراکت داروں کے ساتھ علاقائی سلامتی اور اسٹریٹجک تعاون جاری رکھنے کا اعلان کرتے ہوئے کہا کہ سعودی عرب، ترکیہ اور پاکستان کے درمیان مکہ دفاعی معاہدہ خطے میں استحکام کے لیے مشترکہ کوششوں کا حصہ ہے۔
انہوں نے عالمی توانائی بحران اور سمندری سلامتی سے نمٹنے کے لیے کثیر ملکی بحری دفاعی اتحاد کے قیام کا بھی ذکر کیا۔
محمد بن سلمان نے غزہ میں فلسطینیوں کے خلاف حملوں اور مسجدِ اقصیٰ کی خلاف ورزیوں کی مذمت کرتے ہوئے آزاد فلسطینی ریاست کے قیام کے عزم کا اعادہ کیا۔
انہوں نے حوثی ملیشیا کے خلاف یمنی حکومت کی حمایت اور سوڈان میں اتحاد و استحکام کے لیے کوششیں جاری رکھنے کے عزم کا بھی اظہار کیا۔
By
By
