امریکی سپریم کورٹ کا تارکینِ وطن کی تیسرے ملک بے دخلی کی اجازت دینے کا فیصلہ

نیویارک: امریکی سپریم کورٹ نے ٹرمپ انتظامیہ کو بعض تارکینِ وطن کو تیسرے ملک منتقل کرنے کی اجازت دے دی۔

غیر ملکی میڈیا کے مطابق ٹرمپ انتظامیہ کی اس امیگریشن پالیسی کی قانونی حیثیت سے متعلق دلائل دسمبر میں سنے جائیں گے۔

ہوم لینڈ سیکیورٹی کے وکیل نے سپریم کورٹ کے حکم کو ٹرمپ انتظامیہ کی کامیابی قرار دیا ہے۔

دوسری جانب، امریکی امیگریشن اینڈ کسٹمز انفورسمنٹ (ICE) کی جانب سے جبری بے دخلی کے لیے 5 ہزار نئے اہلکار بھرتی کرنے کا منصوبہ بھی زیرِ غور ہے۔

اس سے قبل رواں ہفتے ایمنسٹی انٹرنیشنل نے امریکی امیگریشن اینڈ کسٹمز انفورسمنٹ کو ختم کرنے کا مطالبہ کیا تھا۔ ایمنسٹی انٹرنیشنل کی رپورٹ میں دعویٰ کیا گیا ہے کہ امریکا میں امیگریشن کارروائیوں کے دوران تارکینِ وطن کے خلاف انسانی حقوق کی وسیع خلاف ورزیوں، من مانی گرفتاریوں، غیر ضروری طاقت کے استعمال اور پُرامن احتجاج کو دبانے کے واقعات سامنے آئے ہیں۔