ایشین گیمز ہاکی: پاکستان نے کوریا کو شکست دے کر کانسی کا تمغہ جیت لیا

ناگویا: ایشین گیمز کے ہاکی ایونٹ میں پاکستان نے سنسنی خیز مقابلے کے بعد جنوبی کوریا کو 5-3 سے شکست دے کر کانسی کا تمغہ جیت لیا۔

تیسری پوزیشن کے لیے کھیلے گئے میچ میں دونوں ٹیموں کے درمیان سخت مقابلہ دیکھنے کو ملا۔ چوتھے کوارٹر میں اسکور 3-3 سے برابر تھا، تاہم پاکستان نے آخری مرحلے میں شاندار کھیل پیش کرتے ہوئے مزید دو گول داغ دیے اور میچ اپنے نام کر لیا۔

پاکستان کی جانب سے رانا وحید نے 2 گول کیے، جبکہ سفیان خان، عبدالرحمٰن اور حنان شاہد نے ایک، ایک گول اسکور کیا۔