نیپال میں مسافر بس حادثے کا شکار، 6 افراد جاں بحق، 10 زخمی

کھٹمنڈو نیپال کے ضلع نوال پاراسی ایسٹ میں مسافر بس حادثے کا شکار ہو گئی، جس کے نتیجے میں 6 افراد ہلاک اور 10 زخمی ہو گئے۔

’’شنہوا‘‘ کے مطابق پولیس نے بتایا کہ بس میں 18 افراد سوار تھے اور وہ مغربی نیپال کے ضلع بانکے سے دارالحکومت کھٹمنڈو جا رہی تھی کہ راستے میں حادثے کا شکار ہو گئی۔

ضلعی پولیس کے ترجمان انیل پنڈت کے مطابق 9 زخمیوں کو قریبی ہسپتال منتقل کر دیا گیا، جبکہ ایک شدید زخمی کو مزید علاج کے لیے چتوان کے ہسپتال منتقل کیا گیا ہے۔

ابتدائی تحقیقات کے مطابق حادثہ ممکنہ طور پر بریک فیل ہونے کے باعث پیش آیا، جس کے بعد بس سڑک کے حفاظتی پشتے سے جا ٹکرائی۔